الفكر فارس والقلم سيف ونصاب = والطرس ميدان الخيول الاصيله
واللي لها مربط مع الخيل وانساب = تظهر سواة كروش ولا الكحيله
هذا ترى تشبيه تصوير من باب = بأن الفكر فارس والاشعار خيله
وانا هدف شعري ماهو كسب الاعجاب= اسمى من الاعجاب شي" اخيله
للشعر تجذبني مواضيع واسباب=وانا لغاياتي قصيدي وسيله
ماهمت مع من هام وأخطى ولا صاب= احسب حساب الناقصه والهزيله
لي حكمتي والشعر له ضبط اللآداب = ومن لاحسب للحكي جاب الفشيله
يحط نفسه بين شرهات وحساب = ويندم على ماقيل واعزتي له
الشعر ماهو باالأسامي واللالقاب = لو يكتبه صاحب سمو الفضيله
الشعر مثل السيف قطاع الارقاب = يُترك هزيل الشعر يؤخذ جزيله