اجل اسمع على لحن القصيده والقصيد اشكال=(انا كلي اجي والا اروح بعزتي كلي)

ركب شعري على مركب شموخي قصته ترحال=رحلت وعزتي فيني لوانك ماتبي ذلي

حبيبي قبل ماتطرح سؤالك والجواب محال=هل الذكرى تعيشني اذا ضاع الامل ؟؟ قلي!!

ترا مالك معي حاضر لو انك في وجيه ازوال=اشوفك في وجيه الكل دااايم ويتخيل لي

لأنك روح في جوفي حقيقه مالتبسك خيال=ولأنك في سما كوني سماي ودوم متعلي

لجل تبقى وسط عيني منعت الدمع لا.. ماسال=اخاف تطيح من عيني واموت ولا تبيّن لي

احبك حب رغم اللي حصل مابينا لازال=يغذي قلبي الميت واصيح بصوت ياخلي

احبك حب مايوصف احبك حب ماينقال=كبير بداخلي شامخ ومتغطرس ومتغلي

تعب قلبي وشيبة حبنا تبكي على الاطلال=خساره شمسنا غابت ومات مع الشفق ظلي